7 gull í hús á ÍM - 25 í sundi
Okkar fólk heldur uppteknum hætti á ÍM - 25. Frábær árangur náðist í dag þar sem sundmennirnir unnu til 4 gullverðlauna og 5 annarra verðlauna. Jóna Helena Bjarnadóttir reið á vaðið með glæsilegum sigri í 400 metra fjórsundi, Gunnar Örn Arnarsson gerði slíkt hið sama í karlaflokki, glæsilegir sigrar í tveimur fyrstu greinum dagsins. Davíð Hildiberg Aðalsteinsson hélt uppteknum hætti frá því í gær með því að sigra í 100 metra baksundi á 55,30 sem er líkt og í gær næst hraðasti tími Íslendings frá upphafi, einungis Örn Arnarson hefur synt á betri tíma. Lilja Ingimarsdóttir synti stórkostlegt 100 metra bringusund þar sem lenti í þriðja sæti, bætti Íslandsmet telpna og náði í leiðinni lágmarki á NMU. Aftur var komið að Davíðs þætti Aðalsteinssonar þegar hann fór á kostum í 200 metra skriðsundi og sigraði með glæsibrag. Soffía Klemenzdóttir hlaut silfurverðlaun í 400 metra fjórsundi, Guðni Emilsson vann til bronsverðlauna í 100 metra bringusundi, í 4*50 metra fjórsundi synti karlasveitin til silfurverðlauna og kvennasveit A til bronsverðlauna þar sem B - sveitin hafnaði í fjórða sæti. Fjöldi innanfélagsmeta féll í dag og verður þeim gerð nánari skil síðar. Síðasti keppnisdagur fer fram á morgun þar sem okkar fólk ætlar að standa sig vel. ÍM - 25 voru gerð góð skil og hægt er að nálgast það á slóð hér á síðunni.
