Sund | 1. desember 2008

Sindri frábær, 4 gull og tvö piltamet

Sindri Þór Jakobsson var svo sannarlega að gera frábæra hluti í Bergen nú um helgina á Norska unglingameistaramótinu í 25m laug. Árangurinn hjá honum var eftirfarandi: Fjögur gull og eitt brons, og í tveimur greinum þá setti hann íslenskt piltamet (aldursflokkurinn15-17 ára ).

 

200 fjór 2:04,12                      1. sæti

400 skrið 4:03,04                    synti bara undanrásir

100 flug 55,77                         íslenskt piltamet - 3. sæti

200 flug 2:01,95                      íslenskt piltamet - 1. sæti

1500 skrið 15:57,19                1. sæti

400 fjór 4:30,77                      1. sæti

 

Á mótinu vann hann 4 gull og 1 brons í einstaklingsgreinum og svo tóku strákarnir í liðinu hans úti  verðalun í boðsundum alls 1 gull og 4 silfur.  Þeir unnu 4 x 100 fjór á 3:49,32 sem er 8 sek undir norska juniormetinu en þar sem Sindri er íslendingur þá er þetta ekki norskt met.  Þar synti Sindri flugsprettinn á 54,53.

 

Sindri var stigahæsti sundmaður mótsins með 812 stig fyrir 200 fjór. Í mótslok þá fékk hann bikar  fyrir það afrek.

 

Þessi árangur er náttúrulega bara frábær, sérstaklega í ljósi þess að Juniorflokkurinn í Noregi eru sundmenn 19 ára og yngri en Sindri er nýorðinn 17 ára.

 

Með því að vera kominn yfir 800 stig þá kemur Sindri til greina í A landsliðshóp Noregs Landsliðsþjálfarinn talaði við hann í lok móts og bauð honum að koma með liðinu í 2ja vikna æfingabúðir til Tælands í lok febrúar. Þetta mót er enn ein staðfesting á því að Sindri er mikið efni og gaman verður að fylgjast með honum í framtíðinni.

Til hamingju Sindri :-) Stjórn og þjálfarar