Sund | 28. ágúst 2009

Áheitasund ÍRB á Ljósanótt

Sundmenn  ÍRB í samstarfi við björgunarsveitina Suðurnes ætla að fara í áheitasöfnun á Ljósanótt til styrktar sundfólki vegna útgjalda af æfinga- og keppnisferðum á árinu.

 

Föstudaginn 04. september munu sundmenn ÍRB synda með aðstoð og eftirfylgni björgunarsveitarininnar Suðurnes frá  Víkingaheimum yfir í smábátahöfnina í Grófinni. Þ.e. frá Íslendingi  til Skessunnar.

 

Tveir fylgdarbátar frá björgunarsveitinni Suðurnes munu fylgja sundmönnum afrekshóps ÍRB á leiðinni en þeir munu skiptast á og synda tveir í einu í 10-15 mínútur  í senn.

 

Áætlað er að fara af stað kl 15.30  frá Víkingaheimum og koma að landi ca. 1 - 2 klst. síðar, allt eftir aðstæðum.

 

Sundmenn vonast eftir góðu veðri og ljúfum straum bæði frá íbúum bæjarins þegar þau safna áheitum sem og Ægi konungi þegar þau eru á sundi.