Gunnar Örn sigraði í þremur greinum í Noregi

ÍRB átti þrjá fulltrúa í unglingalandsliði Íslands sem tók þátt í alþjóðlegu
sundmóti í Osló um helgina.  Gunnar Örn Arnarson náði mjög góðum árangri þar sem
hann sigraði þrjú  sund í sínum aldursflokki og komst þar að auki þrisvar  í úrslit
í opnum flokki þar sem hann hafnaði í öðru sæti hvoru tveggja í 200 metra fjórsundi
og 200 metra bringusundi.  Gunnar Örn bætti sinn fyrri árangur í þremur sundgreinum
af fjórum.  Lilja Ingimarsdóttir lenti í þrígang í þriðja sæti í sínum aldursflokki
og tryggði sér sæti í úrslitum í opna flokknum í þessum þremur sundum.  Lilja bætti
sig í 200 metra bringusundi.  Soffía Klemenzdóttir náði sér ekki almennilega á strik á
mótinu en náði þó að krækja sér í silfur í 200 metra flugsundi í sínum aldursflokki.