Silfur og brons hjá Guðna á NM unglinga
Strákarnir okkar náðu mjög góðum árangri á fyrri degi Norðurlandameistaramóts unglinga sem
fram fer í Tampere, Finnlandi. Guðni Emilsson hlaut bronsverðlaun í 200 metra bringusundi þegar
hann synti á 2:17,25 sem er stórbæting. Guðni gerði síðan enn betur í öðrum hluta mótsins
þegar hann synti 50 metra bringusund og hlaut silfurverðlaun á tímanum 28,97 sem einnig er bæting , frábær árangur.
Davíð Hildiberg Aðalsteinsson stóð sig einnig vel þegar hann synti 50 metra baksund á 27,91 og
lenti í 7 sæti, í eftirmiðdaginn synti Davíð 100 metra baksund á tímanum 58,99, báðir þessir tímar
eru eilítið frá hans besta. Íslenska liðið lýkur keppni í fyrramálið, en þá syndir Guðni 100 metra
bringusund og Davíð 200 metra baksund. Til hamingju strákar.
